Լուսինը հեռվում շողում է կարծես,
Ու շուրջ բոլորս ծաղկած բալենին
ծաղկաթափվում է,
Թվում է, թե երբեք չես գալու
Ու բալենին էլ չի ծաղկելու:
***
Կրակի բոցից սիրտս ավելի ուժեղ է զարկում,
Եվ քո կողքին` էլ ավելի,
Դու էլ կրակ ես,
բայց չգիտեմ ինչու
Սիրտս ավելի ուժեղ է զարկում քո կողքին:
***
Գալու է, շուտով գալու է ծաղկաթափումը,
Եվ բալենին ու մյուսները մերկ են լինելու,
Եվ ես էլ նրանց հետ ծաղկաթափվելու եմ.
չէ՛,
Թափվելու եմ, բայց ոչ իմ ծաղիկներով: