Մոգական ինքնախաբեություն

Նունե Մովսիսյան

Իբր երեք կյանքը քիչ էր, մարդիկ հիմա էլ սկսել են չորս կյանքով ապրել՝  մտքերում, բառերում, արարքներում, մեդիայում:

Ընդ որում, էս չորսը էն աստիճան տարբեր են միմյանցից, որ թող ու փախիր: Ամբողջ զավեշտն էն է, որ մարդիկ ինչ որ ասում են էս պահին, իրենց թվում է՝  դա էդպես է, որ կա իրականում: Հա, բա ոնց, մինչդեռ…

Պուպուշ-մուպուշ մտքերը բառերի արդուզարդով փաթեթավորել-մատուցելուց առաջ գոնե մի պահ մտածո՞ւմ եք, որ կեղծիքի եք գնում՝ հերթական անգամ խաբելով ինքներդ ձեզ ու թոզ փչելով ձեր կողքինների աչքերին: Թե՞ ձեզ թվում է՝ եթե դուք մի պահ հավատացիք ձեր ասածին, ուրեմն մարդիկ էլ կհավատան:

Այ քեզ միամտություն: Չէ՞ որ եթե ոչ այսօր, ապա վաղը կամ մյուս օրը դուք անելու եք (հաստատ բան եմ ասում), անելու եք էն, ինչ դուք իրականում անում եք միշտ ու ամեն օր: Այդ դեպքում ի՞նչ կարիք կա լավամարդ երևալու այսօր, հը՞ն: Եվ ուրեմն՝ մոգական ինքնախաբեությո՞ւն:

Սիրելիներս, խնդրում եմ հաշվի առնել, որ մեր ժամանակներում դա այլևս մոդա չէ: Ու հատկապես նրանց ճաշակով չէ, ում համար բառերը, մտքերը, արարքները, առավել ևս՝ մեդիան, էական նշանակություն չունեն մի պարզ պատճառով. դրանք քողարկում են մարդու ներսն ու դուրսը:

Մի բան կա, որին անհնար է խաբելը՝  հոգին: Իսկ հոգին ներկայանում է լռությամբ ու լռության մեջ՝ առանց դույզն-ինչ ծեքծեքումների ու այլևայլությունների…

 

Աղբյուրը՝ Նունե Մովսիսյանի բլոգը։

Posted by Interest on 19 Հուլիսի, 2014

https://blogmskhnews.wordpress.com/2014/07/19/%d5%b4%d5%b8%d5%a3%d5%a1%d5%af%d5%a1%d5%b6-%d5%ab%d5%b6%d6%84%d5%b6%d5%a1%d5%ad%d5%a1%d5%a2%d5%a5%d5%b8%d6%82%d5%a9%d5%b5%d5%b8%d6%82%d5%b6/