Բուն բարեկենդանի ծիսական տիկնիկ՝ Ակլատիզ

Ակլատիզը կամ Պաս պապը արական տիրապետության և պաս օրերի շրջանը ներկայացնող տիկնիկ է: Տարբեր գավառներում տարբեր էին Ակլատիզի անվանումները` Ախլոճ, Ախացել, Ախելուծ, Գոգոռոզ, Խուխուլիճ, Խուլուճիկ, Մոռմոռոզ, Մռմռաս, Մեծպաս, Ֆռիկ, Որոջբեկ և այլն: Նա հայտվում էր պասի առավոտյան: Տիկնիկը իրենից ներկայացնում էր մի սոխ (կարտոֆիլ, խմորագունդ), վրան յոթ փետուր խրած: Դրանք խորհրդանշում էին պասի յոթ շաբաթները: Որոշ վայրերում փետուրները կարող էին գույնզգույն լինել կամ` չորսը սպիտակ, մեկը`սև ու սպիտակ, երկուսը`սև, քանի որ պասի առաջին 4 շաբաթները ձմռան շրջանում են, վերջին երեքը` գարնան, երբ գետինն արդեն սևացել է: Շաբաթը լրանալուն պես մի փետուրը հանում էին: Սոխի վրա խրում էին միոտանի տիկնիկին` պատրաստված փայտից, բեղ-մորուքով, հագին` տղամարդու շորեր, աջ ու ձախ պարզած թևերից քարեր կախած: Ամբողջ ընթացքում նա հսկում է, որ ընտանիքում ոչ ոք չխախտի պասը: Հակառակ դեպքում պատիժը չէր ուշանա` նա քարերով կհարվածեր պասը խախտողին կամ էլ կծու բիբարով կվառեր նրա բերանը:

Անհրաժեշտ-օգտագործվող նյութեր

Սոխ, 7 փետուր, խաչուկ փայտեր, տարազային երիզակ-կտորներ, կծու բիբարի շարուկներ, մանր քարեր:

Աշխատընթացը՝ ֆոտոպատումով

 

 

This slideshow requires JavaScript.

Աղբյուրը՝ Անի Հովհաննիսյանի բլոգը

Posted by Interest on 10 Փետրվարի, 2018

https://blogmskhnews.wordpress.com/2018/02/10/%d5%a2%d5%b8%d6%82%d5%b6-%d5%a2%d5%a1%d6%80%d5%a5%d5%af%d5%a5%d5%b6%d5%a4%d5%a1%d5%b6%d5%ab-%d5%ae%d5%ab%d5%bd%d5%a1%d5%af%d5%a1%d5%b6-%d5%bf%d5%ab%d5%af%d5%b6%d5%ab%d5%af%d5%9d-%d5%a1%d5%af%d5%ac/